有日有一位小姐嚟到診所。
佢睇完醫生，我出藥俾佢個陣，佢問我：「係得呢幾袋藥仔咋？」
我：「醫生係開呢幾隻藥俾你呀，呢隻止痛退燒，你有需要先食呀。」
佢：「啲藥少到咁，我俾成三百蚊你喎！」
你以為你俾嘅三百蚊淨係喺藥錢度嗎？呢度係香港呀！租金都佔咗一大份啦！
我：「睇醫生唔係咁計嘅，啲藥係醫生根據你咩唔舒服而開俾你㗎嘛」
佢指住啲藥話：「都唔係少成咁呀嘛？如果係咁，你應該送返啲嘢俾我呀！」
我頭先食完碗雲吞麵仲有啲湯同個兜淨，你要唔要？應該仲有幾粒蔥㗎。
我：「唔好意思，我哋診所冇嘢送㗎」
佢突然跳大制：「做咩同我講唔好意思呀？你當我係西客呀？」
唔使當啦下嘛？大家挑埋條腸出嚟講嘢唔係太衛生嘅。
佢繼續講：「我唔係要R嘢呀，我係覺得你咁樣收我三百唔得囉，一係你俾多幾袋藥我！」
咁唔係R嘢係咩呀？咁都唔係西客又係咩呀？
佢再講：「你唔好再同我講唔好意思，你咁樣講令我好唔舒服，我唔係西客唔係嚟R嘢，我係嚟睇醫生嘅！」
或者你需要嘅唔係我哋普通科嘅藥…不如叫醫生送張轉介信俾你？
有冇人可以教下我個客呀？可以拯救我哋呢班水深火熱嘅前線嗎？
香港西客何其多，想知道點樣對付西客呢種生物，就要睇門路全新系列《教下你個客》，有教官梁祖堯同專家教你應付佢地！幫我哋嘟醒佢啦～唔知西客們睇到個陣又會唔會對號入座呢？
即睇點樣西法： https://bit.ly/3xAPQKx
#門路 #門路呈獻 #教下你個客 #教官梁祖堯 #調教班西客 #西客 #唔好同我講唔好意思 #教你應付西客
Search